Aurreko sarreran ahaztu jaten beste dzangada hau ipinten...
DZANGA!!
2021(e)ko apirilaren 26(a), astelehena
2021(e)ko apirilaren 16(a), ostirala
Koplak Dzangadaka
Beste izen batzuk: Kofri Ondarrun, kofrie Bermeon, kopria Mutrikun, Hondarrabian broju esaten deutse. Asturiar eta galegoak mascato eta catalanak mascarell, dauken maskara halakoagatik...
Koplia, Morus bassanus, zanga batuaz, gure itsasoko hegaztirik handiena eta ikusgarriena da duda barik. 1,80 mko enbergaduriagaz, hegaldi zoragarria dauko, bai olatuen ganetik planeaten dauanean, nahiz arrantzan egiteko altuera izugarrietatik pikauan buruz behera botaten danean be.
Negu osoan zehar ohikoak diraz koplak gure kostaldean, apirila-maiatzera arte, euren ugalketa inguruetara alde egiten dabena; Eskozia, Irlanda, Norbegia, Islandiako irlatxo eta itsas labarretara... Abuztu amaierara arte ez diraz bueltako.
Koplaren banaketa mapa: berdez, ugalketa lekuak.
Irailean hasten diraz etorten eta mendebalderuntz pasaten diraz gure kostaldearen aurretik milaka.
Martia, berdelaren etorreraz batera, sasoi ona da berdelak ikusteko, Juankar Andresek bere blogean (entre alpinas y marinas) dinoen modura, eta hilaren 16an itsasora urten genduan berak eta biok.
Kantaurikoko flota osoa Lekitto aurrean egoan berdeletan eta koplak dozenaka-milaka.
Flotia eta kaio ilunak
Flotia eta bapora traina alatzen
Itsaso bete kopla
"Saburdinak" (Patxi Señortxuk -goian bego- esaten eutsen moduan) bebai...
Edonon ikus eikezan koplak multzoka dzangadaka, gure txalupa ondo-ondoan batzuetan... naturaren ikuskizun zoragarria!
40 mko altueretatik be egin ahal dabe pikaua 100km/orduko andaria hartuz, eta 10m eta gehiago be itsaso barrenean sakonduz.
Banzaaaiiii!!
Hori nahikoa ez balitz, hegoak erdi tolostuta eta euran hanka palmeatu zabalakin, ur azpian bizkor igiri egiteko gauza diraz arraina atrapateko. Berdelak, egun horretan.
"Kopliak lez jan dot!" bada Lekitton esakunia betekadia adierazoteko. Izan be, koplak hegaz ezin eginda geratzen diraz hainbeste janda.
Beste barik, koplen pikauen beste argazki sorta bat izten deutsuet.
3 urteko koplia dzangadaka
Koplaren dzangadia faroletik atarata
Hartu katalejoak eta farolera koplen dzangadak ikustera!
Harpidetu honetara:
Mezuak (Atom)
-
Phalacrocorax aristotelis, ubarroi mottoduna. Beste izen batzuk: Bermio inguruan potorro, Ondarrun sakillo, Bolborin Hondarribian, erd... -
Martia-Apirila, berdel sasoia izaten da, eta berdelaren atzetik izurda haundiak etorten diraz. Aurton izurda asko ikusi da kostatik. Itsasoa...
-
Pasa dan zapatuan, hilak 13, itsasora urten neban. Bagia egoan (olatu handi samarrak, baina periodo luzeagaz), baina haizerik bapez, eta ah... -
Gabonetatik honako kalatxori batzuk Negua sasoi ona da kalatxori edo kaio desbardinak ikusteko. Gaur egun, kalatxori erabilten dogu generi... -
Gabilaria esaten jako Lekitton batuko Belatz handiari, Falco peregrinus edo gaztelaniazko halcón peregrinoari. Belatza, gabilaria, munduko...
