Gabai balearra Puffinus mauretanicus, martina Lekitton, da kostatik hur guk sarri ikusten dugun gabaia, gehien ikusten dugun gabaia izatez, paradoxikoki Europako hegaztirik mehatxatuenetakoa bada ere. Ia urte osoan zehar ikus daiteke txori hau Lekeitio inguruan, bai lehorretik teleskopioz -Santa Katalinako lurmuturretik, esaterako-, zein itsasora txalupaz bizpahiru itsas-milia irtenda.
Gabai balear iluna
Gure txangoetan zehar ikusi (eta ikasi) dugu gabai balearrek aniztasun edo aldakortasun handia ager dezaketela lumajean, batzuetan haren lehengusina gabai mediterraneoa Puffinus yelkouan bezain zurixka izatetik, eta goiko argazkikoa bezain iluna izateraino; tartean, batetik besterainoko kolore guztietakoak ikusi izan ditugu.
Gabai balear argia Puffinus mauretanicus
Gabai balear iluntxoa Puffinus mauretanicus
Tarteko koloreko gabai balearra
Gabai balear ilun-iluna Puffinus mauretanicus
Balizko gabai tasmaniarra ezkerrean, balear iluna eskuman
.jpg)
Gabai iluna Ardenna griseus uretaratzen
Gabai tasmaniarra Ardenna tenuirostris? uretaratzen
Esanda legez, tonu guztietakoak. Sarrera honetakoa, sekula ikusi dudan ilunena da: gabai iluna Ardenna griseus batekin nahas zitekeen, baita, zergatik ez, gabai tasmaniarrarekin Ardenna tenuirostris ere.
Izan ere, ederto datorkit behaketa hau aurreko sarrerakoarekin alderaketa egiteko.
Eta alderaketekin amaitzeko, gabai ilun Ardenna griseus baten argazkia aurkitu dut oso ondo datorrena balizko tasmaniarrarekin alderatzeko, biak antzeko jarreran daudelako, eta dirudienez espezie bi horien artean dagoelako azken hori tasmaniar bezela homologatzeko zalantza. Hona hemen:
.jpg)
Jostailutxoa dirudi behekoak goikoaren aldean, ezta?
Ondo segi
